شعر شاهسونی

شعر غمگین ترکی

شعر ترکی

چکسه‌ ده بیر کاروان
باخما! نرین؛ مئیدانیندا دورالمز
؛
چکسه‌ ده بیر کاروان یۆکون؛ قارا لؤك
باخما! نرین؛ مئیدانیندا دورالمز
اوْلسا دا بیر سۆرو کافتار؛ جاناوار
نر اسلانین، آلانیندا دورالمز

ائل داغیلدی؛ بگ‌سیز اوْلدو هامی خان
دۆشدو دیلدن-دیله کیملیک؛ یاغی‌دان!
کؤپک‌لرین؛ آدی اوْلسون قوردییخان
بیری گئدیب؛ قورد یانیندا دورالمز!

ائل قایغی‌سین چکن قاداسین آلای
ال الینه وئریب توتای بیر هالای
آرخابین‌ دا، گره‌ک باشینا چالای
سانجاجاقدی، وار قانیندا؛ دورالمز

ایتیرمز “بخـتیار” كیملیك سوْیونو
تۆرك ائللى ‘شاه‌سئون’ ارده‌م خویونو
كؤك‌سۆز بیلسین، كوْو ائیله‌سه اوْیونو
سوْیلولارین؛ قان-قانیندا دورالمز!

شعر بختیار فرخ