شعر ترکی در مورد شب | شعر ترکی در مورد گئجه
شعر ترکی در مورد شب
شعر ترکی در مورد گئجه
دار
؛
من
آيدينليق بير گئجه
خزه‌ر دنيزي
دنيز قوْروقلانيب
آي سوْيونوب قوجاغيندا
سس-سميرسيز
چيمير
لپه‌لر اوْموزوندا…!
دان يئلي
قارا تئل‌لرين‌له،
“لزگي” اوْينار
دالميشام
گؤزه‌لليك تانريجاسينا!
يئلبيزلر
دوْلاشير بوْينوما
كؤنلومده اوْيانير
دار!
گؤزوم ديكيليب اوچماغا
قاغايي‌لارلا
منصورلاشماق اؤزله‌مي
بۆرويوب
بۆس-بۆتون دۆش‌لريمي!…
بو قانلي اؤلكه‌ده
كيمليك‌له اؤزگورلوك
بير داردا
قوْل-بوْيون ياتيب‌لار…!
(بختيار فرٌخ ١٣٩٠ )
