ساوه خبر |اخبار ساوه

شعر درباره ایل شاهسون

گووه نیرم تیلیم دئییب ائلیمه
آغیر ائلدی قیمت لیدی بیزیم ائل
وئرمه ییبدی هئچ دوشمانا باجلاری
چوخ شانلیدی شوکت لیدی بیزیم ائل

رشید اولار ائل قیز ایدن اوغلانی
خوش اورگدن گئچیرتسینلر دورانی
فرهنگ ایدن مات ائدیبدی حئیرانی
شهامت لی موروت لیدی بیزیم ائل

دوز اوتوروب مودام باخار اوزاغا
همت قویار ییغیناغا تیفاغا
قوربان کسر وارین توکر اوجاغا
قوناقلارا حورمت لیدی بیزیم ائل

جانین وئرر یاخچی دوستا یولداشا
دار گونلرده او مئهروبان قارداشا
سیر ساخلایان همدم اولان سیرداشا
گوزل ائلدی مرفت لیدی بیزیم ائل

ائلیم آدی ازبر اولوب دیلیمه
سئودالی یام شیرین دیللی گولومه
عارف کیمین من عاشیقام ائلیمه
سئودا کانی دولت لیدی بیزیم ائل