شعر بختیار فرخ

اشعار بختیار فرخ

شعر در مورد ایل شاهسون

بختیار فرخ یکی از شاعران ایل شاهسون می باشد که اشعار بسیاری از او توسط هنرمندان ایل شاهسون خوانده شده است

بی‌لر بیزیم ائله دئللر شه‌سئون
؛
نادیرشاه حؤكمۆیدن قالخدیق موغاندان
بی‌لر بیزیم ائله دئللر شه‌سئون
اوْن ایكی مین چادیر دۆشدۆ سۆرگۆنه
بی‌لر بیزیم ائله دئللر شه‌سئون
؛
آشدیق ساوالانی بیز چیخدیق دۆزه
كركوكدان باغداددا ائل قالخدی گؤزه
اوْتوز ایكی طایفا غوربتده دؤزه
بی‌لر بیزیم ائله دئللر شه‌سئون
؛
نادیر كؤچدۆ ائلده چیخدی آیازا
باغداددان قاوزانیب قوْندو شیرازا
بو نیسگیلی كیم چاتدیرا آرازا
بی‌لر بیزیم ائله دئللر شه‌سئون
؛
كریم اؤلدۆ ائلده گلدی قزوینه
ال بیر اوْلدو قجرلرین سؤزۆنه
بیر اوْخ اوْلدو ده‌یدی دوشمان گؤزۆنه
بی‌لر بیزیم ائله دئللر شه‌سئون
؛
قوم-ساوا جۆلگه‌سین ائتدیلر قیشلاق
اوْتوز ایكی طایفا قوردولار قالاق
قاراغان داغیندا توتدولار یایلاق
بی‌لر بیزیم ائله دئللر شه‌سئون
؛
كؤسه‌لر، دلیلر، سولدوز، یارجانلی
كله‌ون، قره‌نلی، هم حاققی جانلی
احمدلی، خیدیرلی، هم حۆسن خانلی
بی‌لر بیزیم ائله دئللر شه‌سئون
؛
ساتیلی، قوتولو، اته‌گباسانلی
دۆگر، موختابندلی، موغان، حسن‌لی
شره‌فلی، غریب‌لك ، نیلغاز، كاروانلی
بی‌لر بیزیم ائله دئللر شه‌سئون
؛
قسیملی، چله‌بلی ،قاراقوْیونلو
كره‌ملی، دئولتوه‌ند،هم آغ‌قوْیونلو
موسولو، زیلیغلی، هم الی‌قوردلو
بی‌لر بیزیم ائله دئللر شه‌سئون
؛
قالدی ذوالفوغارلی بیرده ائیناللی
باغدادلی شاهسئون آدلیمدی بللی
“بختیار” ییر قوْشدو گۆنش های ساللی
بی‌لر بیزیم ائله دئللر شه‌سئون
؛
قوم.بختیار فرٌخ. ٣٠ /٧ / ١٣٨٨