شعر ترکی در مورد دنیا

شعر ترکی در مورد بی وفایی دنیا

جانیم اوغلان باخما دونیا آباددی

بایقوش لارین یوردو ویران دونیادی

آدامی سالار دار گونلره سیندیرار

بوغازلاری توتوب سیخان دونیادی.

دردلر ایدن آداملاری سیندیرر

چوخلارینی گویدن یئره اندیرر

ائششک چینی آت اوستونه میندیرر

هر کیمسه نی بیر تهر سینان دونیادی

هئچ واخت دئمه دولتیم وار مالیم وار

ائولادی یا باخیب دئمه دالیم وار

آغ اوزومده چوخ زینت لی خالیم وار

هرنه وئریب دالا آلان دونیادی

آصلانی قوجالدار سالار آیاقدان

ییخیق ائوی بیرده ائدر دایاقدان

قاچا قاچا گنه گلر اوزاقدان

او بابام امیری قاوان دونیادی

اوره گییده داها کینه ساخلاما

هئچ کیمسه نین اوره گینی داغلاما

دونیا یا یالوارما جاندان آغلاما

عارفه وئرمه ین آمان دونیادی.

ابوالفضل فردوسی ( عارف )