ساوه خبر |اخبار ساوه

غزل قؤشماسی (دؤرو تورکی_تورکی ناب)

جیرلاما جیرانلی داغوم، اؤزگور اؤیون بارداقیمی
سؤکمه گیلن داش گوجونه داغدا گزن باشماقیمی

گَل قورو چایلاردا یازیم دوشدی آخار قاپی قاپی
گَل بولودوب چای قولوسو،ساغدی سیزیللار داغیمی

قؤیما منی داغ دؤشینه، داغدا کونول یئلده بیتر
بوردا سوسوزدان یاناقوم،سؤرسا بوتون توپراقیمی

قان گؤزیام ،سنسیز اؤلان گؤیچلی سِئودام اؤلودور
توتدی یاناقلار گوجومی، توتما داها سن یاغیمی

سؤرتمه قارا قل قیچیمی،بوردا ساووخدان بوز آتار
اؤخشادی کی یوللاریوی،قؤیما کسه بارماقیمی

باش سالانا قاتماگیلن،سئومگی سیندیرماگیلن
بوندا سئوینجک هالایام،بؤکلَمه اؤینار چاغیمی

سیخمده گویلوم اَرییب قان کیمی باشدان کی داشار
قانی آریتماز گؤزلیم ،سئِوده بو ایز باسماقیمی

اؤزسه گؤگرچین باخیشیم بوردا یوموقلار ،گؤزلیم
های باتورار بؤیلو قانا سانجی اؤرگ قیماقیمی

گونده سؤموک لر یاناشار سینماقا سُلدان بودانار
چاشسا بوتون یوللاریمی،آلسا سوموک سانجاقیمی

باخماقیوین داغدا یئتر، قورتولوشی واردی اینان
کونلوم آتوب اَل اؤنا باخ دؤلدوراجئک دؤیماقیمی

ایندی دوغوردان کی یاغیش،یاغدی بوداغ لاندی اِئلیم
یورقون اتک لرده گولوم تؤکمَه گیلن یاپراقیمی

#مجید_روحی