ساوه خبر |اخبار ساوه

دؤرو تورکی (تورکی ناب)

آی دئنیز لر،،
آی تالای یوخوسو گؤرن لر
سیزین گؤزونوزدن ایراخ
نیسگیل لر آلتیندا
یاشام ،،
دان ساچینا ساریلماغا
بیر قاریش دؤروش تورپاغیندا
بوروق بوروق
بورجا دؤشدو

گؤزلر اؤ گؤزلر دی
آنجاق یاشلار اؤ یاشلار دییل
باخیش اؤ باخیش دی
آنجاق اینان لیق قوجالیقیندا
ایستک گؤزونون ایشیقی
داها ،،
باخیشا یاردیم دییل

آی ایمگه دالغالاری،،
یاشام سیز یاشامدان
چوخ قاسناقلیام
گَرک سیز گَرک لردن چوخ آسیلی
یؤلسوز یؤللاردا
ائو‌ یؤلون ایتیرمیشم
گرچک سیز دؤشونجه لر یؤلونا
هؤنکور هؤنکور
اؤزومو ایتیرمیشم

باخین ایندی …!
اؤزوم اؤزومو آلداتماغا
اؤزوم اؤزومه
آغ توکلریمین باغچاسیندا
آغ چیچکلرین یالانین ساتیرام
نئجه گؤردونوز !!؟؟
باخین ایندی…!
سئ ییق یئمک ایچمیئن دوداقین
یانماقیندا،،
بوغدالیق داش قایاسینا
آیاق یالین سؤرتوشه سؤرتوشه
قؤرخومون گؤزونه
اؤز آووجوم آچیرام ..

#مجید_روحی