ساوه خبر |اخبار ساوه

بیر قوجاق دویغو آسیب خورمالیقی، گؤز باشیما
گؤزومؤن دؤیغوسیجا سؤرمه قاتوب گؤز یاشیما

اؤزلمم، اؤنجه داغیمدا نئجه باقلار اتگیم
قالموشام قؤرخو قؤبوندا ،قادانوب چای داشیما

بوگئجه چال چاغیریم وار سئویمین دوغماسینا
داغیمین گیرلی باشیندا، آغاران مین یاشیما

گؤزومون نیسگیلی تای دی دئنیزیین دالغاسینا
لپه لندی دئنیزین نیسگیلی های گؤز قاشیما

قوجاغیم قاندال آییق لرده اؤلوب ایکّی گوزوم
سؤزومی داملا دیلینده دئییرم سیرداشیما

نه دئییم آن سؤسوزاندا قؤرو داغلاردا تاریم؟
تلَسیک بالتا بولاغلاردا آخار یؤل چاشیما

دامچی دامچی تؤکورم دانسو یاشیم یارپاقیمه
اؤتوروب چای قولوسوندا آغلورام اؤز باشیما

یاغوشام سؤرمئلی گؤزلرده درین یاغمالیام
یاغورام دانسو دئنیزلرده درین اؤیناشیما

#مجید_روحی