شعر امیدواری از حکیم تیلیم خان

شعر حکیم تیلیم خان راجب امیدواری

الست ربکم؟ قالو بلی ده

کیمین واردی اومیدواری سنین تک

عنتره چالاندا دلدی شهپری

کیمین واردی ذوالفیقاری سنین تک؟

سماده رسولدان انگوشتر آلان

گوذارینی قاب-قوسینه سالان

بئیت-کبریاده میزبان اولان

کیمین واردی او وورقاری سنین تک؟

قسیم-نارسن فارس حونئین

ساقی کوثرسن ای شاه – کونین

زووجون بتولدور ام الحسنین

کیمین واردی ناموس عاری سنسن تک؟

هایخیریب باغلادین بند-بربری

یئریندن قوپاردین باب-خیبری

ایکی بولدون بئشیگینده اژدری

کیمین واردی ایقنیداری سنین تک؟

خیضرین سراندیبده ردین تاپمالی

اولدوروب دیریلدن نصیر-غالی

محشرده خوش گئچر تیلیمین حالی

چونکی واردیر مددکاری سنین تک