شعر دوای درد از حکیم تیلیم خان

شعر حکیمی تیلیم خان

مینت چکمک گرک سنین تک مرددن

هزاران دردیمین داواسی سنسن

درد-ظاهیر باطینیمین علاجی

منیم تک مریضین شفاسی سنسن

محبتین دولوب بوش اولماز تندن

اهل-زمین آسمان کمینه بنده دن

وای حالیما لوطفون کم اولسا مندن

کساد بازاریمین رواسی سنسن

ذره لوطفون شامیل ائیله حالیمه

اومیدوارام سنین کیمی عالیمه

ائحسان ائیله یاپیشگینان الیمه

منیم تک بی نوطقون نواسی سنسن

نصیری حق وئردی شاه سنه بنده

آغ دئوی بوراخدین وورموشدون بنده

مردلر آغاسی سن اومیدیم سنده

تفرقه گویلومون هواسی سنسن

تسلسم جانین نثار ائیلر یولوندا

هئیچ بیر بشر اولماز سنین حالیندا

آستانین کلبی یم گوزوم الینده

گئجه-گوندوز دیلیم دعاسی سنسن