اشعار علی حاجیلی

اشعار ایل شاهسون

اوره گلره شنلیگ وئرن آشیقدی
خوشلوقدا ساز چالیب دئین آشیقدی

من دئمیرم دیللر دئیر بو سؤزو
مجلیسده شادلیق یارادان آشیقدی

آغ سققل آغ بیرچک بیلیر دبلرین
اوخویاندا تیکیر اونا گؤزلرین

قولاق آسیر او دیرلی سؤزلرین
جاوانلارا یول اؤرگه دن آشیقدی

دست نامازسیز هئچ واقت چالماز سازینی
نظریندن سالماز دوستلار نازینی

هارایلایار نظمه چئکر سؤزونی
پیغمبردن آد گتیرن آشیقدی

ال آتیر سازینی داردان اندیریر
ساغ قولونون اوسته اونو میندیریر

سازین سه سین کؤک اوستونده دیندیریر
یامانلیغی یئله وئرن آشیقدی

خسته قاسیم تیلیم خان اصلی کرم
سیدی و کلبی و غریب شاه صنم

عباس دوخارخانلی یام آشیق منم
کؤراوغلودان ناغیل دئین آشیقدی

میضراب چئکیر باخیر هی ساغ و سولا
جورله ییر سازینان اؤره ک خوش اولا

دلشاد یازما غینان دوشوبدو یؤلا
جئولان وئریب قیغاج گئدن آشیقدی

علی حاجیلی ( دلشاد )