شعر حکیم تیلیم خان

خلافت مولکو

خلافت مولکونون شاهنشاهی نین

اوچ یوز آلتمیش آلتی دیده بانی وار

اون ایکی سولطانی اللی ایکی خانی

دورد نفر خوش طرب پاسبانی وار

 

بیر دریادا گوردوم بئش وبئش نهنگ

آلتی بیر آلتی بیر هر بیری بیر رنگ

بئش کمان قوروبدور اون یئددی خدنگ

اونون هر بیرینین بیر مکانی وار

 

بیر گولشنده گوردوم بئش قونچه تر

اون ایکی یامین اون دورد صنوبر

بئش سرچشمه گوردوم بیر حووض -کوثر

یوز  ایگیرمی دورد مین قورآن خوانی وار

 

بیر بهیشت تختی تک قورولموش اوتاق

آلتی مین آلتی یوز آلتمیش آلتی تاق

اوتوز ائیوانی وار یوز اون دورد رواق

هر رواقین آلتمیش گولوستانی وار

 

گویول غرا اولما دونیا مالینا

یاشیل تیرمه سینه الوان شالینا

قاراقان گووه نسین اوز ماحالینا

مرغئیده شاعیر تیلیم خانی وار