شعر حکیم تیلیم خان

یوخدور علی کیمی ذات-پرهونر

 

مظهر-العجایب تای- بی همتا

بهیشته مالیکسن ساقی-کوثر

قورآن ناطیقسن عئلمین بیانی

وکیل -کارخانه صاحب -دفتر

 

یوز ایگیرمی دورت مین نبی دن اعلا

حق شانی یه دئیر:-لولاک لولا

بیر لسمیی یاسین دیر بیر ایسمیی طاها

بیر ایسمیی قل کفا بیر ایسمیی حیدر

 

مئعراجه ده رسولنن بیر گئتن

آغ دئوین بارماغین بندینی چاتان

اوزونو بربرده قول کیمی ساتان

وصی-مصطفا قاضی-محشر

 

عشقییدن یئر وگوی دوتوبدور قرار

اون سکگیز مین عالم کل امرییده وار

سنه باغیشلاییب او پروردگار

فاطمه ذوالفقار دولدول وقنبر

 

تیلیم بو سوزلری کیم بیلر؟-آللاه

گئجه-گوندوز ائدر ذکر الا الله

بیت-الموقدشده واللاه وباللاه

یوخدور علی کیمین ذات-پرهونر