شعر حکیم تیلیم خان

اره نلر سروری

 

ای آغالار صل-علی محمد

اره نلر سروری گلدی ها گلدی

اره نلر سروری دینین سوتونو

اولدورن اژدری گلدی ها گلدی

 

ای آغالار اره نلرین سروری

نوردان یارانیبدیر موشک وعنبری

دولدولون اونگوجک گئدر قنبری

داغیدان خئیبری گلدی ها گلذی

 

گویدن یئره گلیب آیه قورآن

مطلبیمیز وئرسین قیبله ده دوران

کافرلر ایچینه سالمیشدی قیران

چالدی ذوافیقاری گلدی  ها گلدی

 

قورآنی اوخورلار آیه اوزوندن

نور توکولور محمدین اوزوندن

بی نامازلار دوشوب حقین گوزوندن

جبرئیل دن نیدا گلدی ها گلدی

 

تیلیم دئیر: یاکوثردی یا ساقی

قیسمت اولا گرک جنتین باغی

حضرت-محمد میندی بوراغی

دالیجا حیدری گلدی ها گلدی