غزل ترکی

اشعار مجید روحی

شعر مجید روحی

غزل_دؤرو تورکی ( تورکی ناب )

یازین آنلاق لارا مین تاسما تالان لار دایانوب
دامارین باشلارا مین قایداسیز آن لار دایانوب

یازین ائل سایغینا داغلار بیره بیر وئرمئلی دیر
ائله باخ اؤز ایچیمیزدن نه یامان لار دایانوب

گئجه سرمیش لارا قاینار لی قارانلیق قادانار
بو قارامچیل باغا قانداللی خوخان لار دایانوب

چایین آغزیندا باخیش لاپ‌ قؤرویوب آی یازیلار
تالایین قیش چاغیدیر، سؤنمه قوران لار دایانوب

یازین ایشگیل ده « بیلیم » سؤرقولو آخساق گلیری
بو دؤشونمئک یؤلا مین سؤرقو سوران لار دایانوب

داش اؤلوب دؤغرو سؤز ، آلتیندا بوغازلاردا قالوب
قونوشان‌ قؤللارین آستیندا ایلان لار دایانوب

دیله باخ ، کیمسه قالاق سؤزلری دیندیرسه آچار
بیلی قان گؤزلرینه سؤرمئلی قان لار دایانوب

آیی آیدان ، گونی گوندن ،‌ ائله ییر لر ، نه اؤلوب؟
بو‌ نه فیرلانمادی تانریم ؟ کی پیلان لار دایانوب

یازین آی چیخسه سؤراشدان بیزه پای وئرمیاجاق
دؤرو‌ آی کؤنلونه گؤرمز چالاقان لار دایانوب

بیزی سیزدن ، سیزی بیزدن ، ائله ییر چاغ، یانیرام
اؤبامیز اللرینه باغری یانان لار دایانوب

سایاقین کؤز داراغیندان بؤزاروب تاغلیغیمیز
گؤزونون دؤغرو ماراقیندا یالان لار دایانوب

نه گولوش قالدی نه ساغلیق، کی شاخام یاز چالیشام
بو سارام ساغدا — چیچکلرده ، تیکان لار دایانوب

یئنه دیل دؤرموری سؤزلرده سینیب های دیئه جئک
یازین آنلاق لارا مین تاسما تالان لار دایانوب

#مجید_روحی