تیلیم دئیر :منی یوردو قوجالیق
تیلیم دئیر :منی یوردو قوجالیق
گیزلمیشم قوجالیغین باغیندا
گلدی منی بیردن گؤردو قوجالیق
جوانیق ترلانی اوچدو الیمدن
درد و غمی منه وئردی قوجالیق
هاراییمه چاتان دوستوم اولمادی
واریبان قاچماغا قصدیم اولمادی
قادی، باجا یولون کسدیم اولمادی
آخیر پنجره دن گیردی قوجالیق
باشیمی آغارتدی دیشیمی تؤکدو
آغلادیب گؤزومون یاشینی تؤکدو
قدیم کمان اولوب ، بئلیمی بوکدو
جاوانلیق گوللرین دردی قوجالیق
یوخ طاقتیم ، گؤرونورم دوغروسو
یئل اسنده بورنورم دوغروسو
اولان طاقتیمی قیردی قوجالیق
جوشغون چای لار کیمی آخابیلمه دیم
توتدوم قوجالیغی ییخا بیلمه دیم
چالیشدیم الیندن چیخا بیلمه دیم
تیلیم دئیر :منی یوردو قوجالیق
حکیم تیلیم خان دیوانی
نویسنده اسداله امیری
