شعر سپید ناب تورکی (دؤرو دیل)

شعر سپید ناب تورکی

اشعار مجید روحی

یئنی دن سؤرقولاشدیم،،
؛
آی گئجه!!
آی اؤلدوزلا ایشیق لارین یالان اؤیونو
آی آیلا ایشیق لی دؤیغولارین سیخینتی دؤیونو
سؤندا دؤشونمدیم،،
سوسغونلوقدا
قارانلیق ایشیقا بؤرونور ؟
یوخسا
ایشیق قارانلیغا ؟

آنجاق ،،ائشیتیرم
سوسغونلوق سس سیز لیقیندا
چیلیک چیلیک کونلومون سسین
اینانیرام،،
سس سیز ایچیمین یارالارین
بوغازیمین دؤلوخسونمیش گؤزگوسینده
گوزگولاردا یالان یوخ

سس سیز دؤلوخسونمیش لار سسیلن
اؤزوم اؤزومو اوخشاییب
بوغولا بوغولا آغلیرام

بولاردا
ترسه یاشاملارین سیزیللاری
اولدوز گیرن گؤزلرین گؤرسونه
اوزلم‌ یاشادیر
سس سیز !!

چؤن کی
نئچه گؤرموشم—دؤنه قانمیشام
اؤجا یئرده یئل اؤیونون
یارپاق تورپاغا__تورپاق یارپاغا بورونمه نی
و آلچاق یئرده قوجاق قوجاق سؤنگولاری

نه اؤیونلار وار…
یازدی،، آنجاق
بو‌ تای دا چیچک لنیر اورگ لر
ساری ساری کؤزلی یارپاقین خیش خیشیندا
اؤ تایدا گؤزلرین گؤزگولوندا کؤزلنیر
؛
بو یان دا،،
دؤغرو‌ دؤشونجه لر
اوست اوسته یالان لارا دوغرانیر
اؤ یان‌ دا دؤغرو یالان لار
گئرچک لارا دؤغر‌ولانیر

یالانی،،
کسسک لی گئرچگلردن آنلادیم
آنجاق گئرچگی،،!!
دومان ایچینده بورونمه لر توزوندان آنلامیرام

بیلمیرم سؤندا
ساغ‌ سارامین ساغلیغینا
نه ایچم کی کؤنلوم
دؤغرو‌ اؤلدوزلارین یالان ایشیقیندا،
پارلاق پارلاق
گئرچکدن بؤغولماسین..

#مجید_روحی