شعر ترکی بختیار فرخ

شعر ترکی غمگین

بختیار فرخ

استاد بختیار فرخ یکی از شاعران توانمند ایل شاهسون می باشد 

شئيخى صنعان كيمين ترسا سئوميشم
دوْغرو يوْل‌لاريمي كج ائيله‌ميشم
گۆلون دردی؛ دوشمان جهری؛ ائل قهرى
اؤزۆم اؤز گؤینۆمه گۆج ائيله‌ميشم
؛
سارالیبام ساری‌گۆلدن ساری‌یام
چارخی دؤنمۆش قوْیماز بیرده یاری‌یام
قیزیل‌گۆل خرمنین تحویلداری‌یام
دؤیۆب و ساویریب دج ائيله‌ميشم
؛
قارلی داغ‌لار غرق اوْلوبدو دوماندان
بیر کیمسه‌م یوْخ تیکن چیخاردا جاندان
قوْنشولاریم کؤچدۆ بویان-اوْیاندان
آرالیق ائویمی اۆج ائيله‌ميشم
؛
زهه‌ر اوْلوب ائله‌دیگیم ائتدیگیم
کاسات اوْلوب بازارلاردا ساتدیغیم
الدن اوچوب توْر آتدیغیم توتدوغوم
باشیمدا عقلیمی نئجه‌ائیله‌‌میشم
؛
اله‌ندیم قلبیردن گئچدیم الک‌دن
غرق اوْلموشام شط ایچینده کلک‌دن
خبر آلان اوْلسا چارخی فلک‌دن‌
دئیه‌ر “تیلیم”ا‌یدن لج ائيله‌ميشم
؛