شعر تیلیم خان برای سلیمان

شعر سلیمان از تیلیم خان

ایسمین سلیمانین نقش-نگینی

سن شریفسن اوولیالر ایچینده

یوز ایگیرمی دورد مین نبی یه رهبر

سن هادیسن انبیالر ایچینده

خلقه حسد وئرن در-خیبردن

چین سویون باغلایان بند-بربردن

دورد کیتابی تفسیر ائدن ازبردن

سن قاریسن علمالر ایچینده

اولدورن وقتده عمرو عنتری

سمادن گوروندو سیف دو سری

اوپدون باشه سانجدین جبرئیل پری

رونق ائتدین شاهنشالار ایچینده

یئتمیش دفعه یاندی جبرئیل پری

حقه شناس ائتدین اولدون رهبری

آدمدن ایره لی خاتم دن بری-

سن سابقسن ابتدالر ایچینده

مرشد-کامیلسن.ساقی-کوثر

سلمانه گول وئرن بابای-شبیر

پریشان تیلیمه اوزون اول رهبر

خوار ائیله مه اقربالر ایچینده