شعر حکیم تیلیم خان

جبرئیله استاد اولان کیمیدی؟

ارض و سما خیلقتیندن ایره لی

جبرئیله اوستاد اولان کیم ایدی؟

بیر ضربتده سیفی ایمتحان قیلان

عنتری اورتادان بولن کیمیدی؟

 

قول دئییب ساتیلان شهر-بربره

نصیریگوندرن ابن کرکره

یدواللاهین قویان در-خئیبره

اوتوز اوج مین حیصه سالان کیمیدی؟

 

یئتیشن دوخسان مین سر-مابینه

سوفره سالان آقا بس موفلیسینه

عزیز مهمان اولان قاب-قوسینه

پیغمبردن اوزوگ آلان کیمیدی؟

 

ایشاره ینن باختردن گون قئیتاران

گردش-معلا پرگارین قوران

قیرخ ایلدن سلمانا تازا گول وئرن

آغ دئوی بس بنده سالان کیمیدی؟

 

تیلیم بئله اسلان اولمز بس دینده

اون دورت اوخو چیلله به میندیرنده

اوتوز منزیل یولو آتین سورنده

معاویه بیغین یولان کیمیدی؟