شعر لطف واحسان از حکیم تیلیم خان
شاعر تیلیم خان
لوطف واحسانییدن ایسترم درمان
افلاطونسن ظاهیر باطین دردیمه
لطف واحسانییدن ایسترم درمان
یاحی-سوبحان
صاحیب-ائحسان
حی-لامکان
هست-بی نشان
بی نشانسن یوخدور میثل ومیثالین
موستقیمدور یولون بولونماز مکان
حاضیرسن حتمن
بی شک وگومان
در زمین-آسمان
ای عظیم الشان
عظیم الشانسن نه جیسم وجووهر
نه تولیدسن نه ذاتسن نه گووهر
نه موتوالیدن صادق-مظهر
ایبراهیمه اودو ائدن گولوستان
اوغلونا قوربان-
قوچ نبییان
حئیوان ریضوان
ائیله دین ائحسان
ائحسان ائدیب موجه گله اکرامین
لعل وگووهر اولار آسمان وزمین
ذره لوطفون اولسا اولمارام غمین
شفا بولور یوز منیم تک بی درمان
صحت تاپار جان
نه ضرور
غئیر حکیمان
اعلا یا اعیان
اعیانی اعلانی یاراتدین بنده
بعضی بی ائحتیاج بعضی شرمنده
بعضی دائیم گیریان بعضی سی خنده
یونیسه دریادا اولان نگهبان
عالمی حئیران
ائیله دین ای جان
دلیل وبرهان
موعجوز-غوفران
غوفران موعجوز قیلدی ظاهیر-باطینه
لامکانسن غائب ویجود ذاتینه
صفات ثلبیه وار صفاتینه
بیرلیگی یه دلیل برگ-درختان
باهار زیمیتان
کافر موسلمان
بیر شام هوادان
بیر یول وارکان
هر یول وارکانلار سنه دلیل دیر
موعجوز -صغیرین نار-خلیل دیر
تیلیمه رحم ائیله خئیلی ذلیل دیر
الهی بحق پرده ده دوران
جمله رسولان
خون شهیدان
یا شاه مردان
صاحیب-زمان
