شاعر حکیم تیلیم خان

سندن سورا کیمی تانیر تیلیم خان

 

وکیل-کارخانه صاحیب-دووران

ساقی-کوثرسن قاسم الجنان

حوکمویه فرمان

شجر-عیرفان

 

عیرفان شجر قیلن دریا مورکب

اولسا یازماز اوصافینی بیر دیوان

ای شاه-مردان

هادی -خیضران

ای شاه-غفران

………………………………..

توسن-دووراندور ریکابییده رام

ذره لوطفوی اولسا سحر اولار شام

دم به دم معراجده باغلییان ائحرام

کمینه چاکیرین نئچه سولئیمان

زمین وآسمان

ملک و انسان

خونکار وخاقان

اعلا وعیان

 

اعلا وعیاندور خاک-قدمین

کمترین چاکرین نئچه سولئیمان

مخلوق اولمامیشدی آسمان و زمین

حبرئیله اوستاد ولی-رحمان

ای شیر -یزدان

ولی -سوبحان

پرتو-مردان

ای عظیم الشان

عظیم الشانسن داماد-نبی

ابن-عم- محمدالعربی

تفسیر ائدن ازبردن دورت کیتابی

سندن سورا کیمی تانیر تیلیم خان

قدمی یه جان

اولورمو قوربان

غرق ائدیب عوصیان

عفو-گوناهان