شعر تیلیم خان در وصف آستانه
شعر ار حکیم تیلیم خان
تیلیم خان دیر آستانه یین…
ای گویول گل طالیب اول سن
تانی حی -اکبری!
خلقتیندن خلق ائدیبدیر _
شمس وقمر اختری.
خلق ائیله ییب موالید حئیوان-
انسان.جین.پری.
چهار فصل ایجاد ائیله ین
سبزه قیلن اشجاری
هرکیمه بیر دین ومذهب
ائیله ین مقرری
بعضینه فاخیر گئیدیرن
بعضی نین رختین دری
بعضین جناب – مصطفا
ختم-پیغمبر قیلن
بعضی نی محرم-دینه
واقف اسرار قیلن
بعضی نی بتول عذرا
خاتون محشر قیلن
بعضی نی زهر-الماسلا-
ریز-ریز جیگر قیلن
بعضی نی مئیدان-دینده
قاندان لاله تر قیلن
جنگینه محرم قیلن شاه-
اینس وجین ظعفری
بعضی نی آل مروان تک-
غرق-گوناه ائیله ین
بعضی نی ابلیس-دون تک
خلقه بدخواه ائیله ین
بعضی نی موفلیس ومفلوک
ایشینی آه ائیله ین
بعضی لرین صاحیب -تاج
عالمه شاه ائیله ین
بعضی لرین خیضر-هادی
دلیل راه ائیله ین
بعضی نی مین باشلی محفوظ-
عالمین سردفتری
بعضی ارباب -کمالدیر
بعضی نین چوخ عئلمی وار
بعضی مجنون عوریاندیر
چاک ائدیب صبر وقرار
بعضی نی عاشق ومعشوق
موشتاق وصل ودیدار
بعضی نی پروانه قیلن
عاشیق نار وشرار
بعضی زشت وبدلقادیر
بعضی سی زیبا نیگار
بعضی نی اینسان ائیله ین
بعضی نی حور وپری
سرنوگون اولایدی چرخین
فلک-شوعبده بازا
سندن بیزیم ایچین نییه-
گلمه دی هئچ بیر نیاز؟
بعضی لرین خوار ائدرسن
بعضی لرین صاحیب ناز
بعضی نی موحتاج-عالم
بعضی لرین سرفراز
بعضی نه مین دوه وئره ی
گنه دئیر اولدو آز
کرم ائدیب عیسا کیمی
روح اله بو خبری
وکیل-کارخانه سنسن
قاضی محشر علی
صاحب-حوض وسلسبیل
ساقی کوثر علی
قاوزایان اوج سمایه
اول در-خئیبر علی
جبرئیله سابق اخفا
سن ایدین رهبر علی!
امری یه موطیع-فرمان
جومله بحر وبرعلی
تیلیم خان دیر آستانه یین-
کلب – در -کمتری
