غزل قوشماسی (ترکی ناب)

اشعار مجید روحی

شاعران ترک زبان ساوه

 

نه بیلر سن اورئگیم اؤت دا اوجاغینده یانوب
کول اولوب یئل آپاروب داغلاری سنسیز دؤلانوب

نه بیلر داش اورئگین سیخدی کی بو ایستمه گیم
کوللریم، قار یاتاقیندا یای و قیش،های قالانوب

آلاگوز، ایسته مئلی گؤزلر و ساچلار نه ییمیش؟
کی گؤرندن گؤرَنه،گؤز یاشیم ئوزده جالانوب

اؤ گؤزل گؤزلری وین ،اؤخ لی دی، ساخلار واریدیر
یانینا،قُل قیچینه مین سَره کیپریک دایانوب

قالا بیلمم داها من سولدا کی چیرپیندی اؤرگ
توتولوب ،وورقون اؤلوب سیخمگی سیندن بودانوب

گئجه لر آردی جه هر یاندان آخوبدور کی یادین
اؤرگیم قان باشا سالمازدی اؤزومنن قادانوب

گؤزلیم،گؤزلریوین باخ یاشا دؤندوردی گؤزوم
نئجه گؤر باغری قانا آیریلیقیندن بولانوب

بئله باش مندن آلوبدیر دانا هر گون اؤیاقام
کی گؤزوم یوخلاماموش گونده قاباخ جئک اؤیانوب

قورویوب دور کونولوم،گونده سوسوزلوخدا ،گئنه
قؤخو سندن کی گلیب ،گول بوداغوم، های سولانوب

گؤزلیم ،دار گئجه لر سولدا باشومنان کی گئچیب
گئنه گویلوم بو گونوم لرده سِوینجک دایانوب

مجید روحی

غزل قوشماسی (ترکی ناب) :

گؤزلیم بیل کی آرالیق ده اؤرگ لر قارالار
گؤزلیم باخ گؤر آیاز ئوز بئله سنسیز سارالار

نه بیلیم سندن اوچن گول قوخوسو آخ واییمیش
بو قوناخ تئزلیگینن آخ یئری بیتمز، یارالار

گِجَمی یاتماقا سَرمم کی بو سنسیز اؤرگیم
دالاشار آیریلیقین چینینه سندن ،دارالار

نه قویار باش یئره گویلوم، یوخو آغریم سالا بیر
نه گِدر اؤز پایونی قورخولوقون باقلار آلار

گئجه آغلار اَتگینده کی گؤزل دن یئل اَسَر
گِنه باشلار منه ئیز سالماقا گویلوم پارالار

ئیزینه باخما گؤزوم،گوزگوده گؤرستمه ئوزوم
گَ باشا سالما اؤرگ باشینی آرتیخ یارالار

چِکَه بیلمم یارالی کونلومو کوندور چِکَلی
گؤزلیم وئرسَه گول آردینجا یارام هِی بارالار

بو سینیخ گؤیلومو بیر گون گؤزلَه ساتسا بیلم
چؤخونو گؤزلر آلار قالدیگینی ساچلار آلار

بو قوشوم سِودیگینین بیر گون اؤلار گویلون آلار
ساتاشار اؤپمه گولوندن گولونه پالتار آلار

بو یانار قانلی اؤرک ساغ دولانیب ساغ یاشییب
نه ساتوبدور یئرینه بیر آبا آخ وای لار آلار؟

#مجید_روحی